spot_img

ရာသီကုန်တွင် ခရစ္စတယ်ပဲလေ့စ်နှင့် လမ်းခွဲတော့မည်ဖြစ်ကြောင်း ဟော့ဒ်ဆန် အတည်ပြုခဲ့ပြီး နည်းပြသစ်အဖြစ် လမ်းပတ်ရေပန်းစား

ခရစ္စတယ်ပဲလေ့စ်အသင်းနည်းပြ ရွိုင်းဟော့ဒ်ဆန်သည် ယခုရာသီကုန်တွင် ခရစ္စတယ်ပဲလေ့စ်အသင်းနှင့် သူလမ်းခွဲတော့မည်ဖြစ်ကြောင်း အတည်ပြုပြောကြားခဲ့သည်။

အသက် (၇၃)နှစ်အရွယ်ရှိပြီဖြစ်သူ ရွိုင်းဟော့ဒ်ဆန်သည် ခရစ္စတယ်ပဲလေ့စ်အသင်းကို ၂၀၁၇ ခုနှစ်နွေရာသီကတည်းက စတင်ကိုင်တွယ်ခဲ့သူဖြစ်ပြီး ရာသီကုန်တွင် အသင်းနှင့်သူချုပ်ဆိုထားသော စာချုပ်မှာလည်း သက်တမ်းကုန်ဆုံးမည်ဖြစ်သည်။

myan789

ခရစ္စတယ်ပဲလေ့စ်အသင်းဘက်မှ ၎င်းအား စာချုပ်သစ်အတွက် ကမ်းလှမ်းခြင်းမရှိတော့သလို၊ ရွိုင်းဟော့ဒ်ဆန်ကလည်း  ၎င်းအနေဖြင့် ပရီးမီးယားလိဂ်ဘောလုံးလောကနှင့် လမ်းခွဲတော့မည်ဖြစ်ကြောင်း ပြောကြားခဲ့ခြင်းဖြစ်သည်။

”(၄၅)နှစ်လောက် နည်းပြလောကမှာ ကျင်လည်ခဲ့ပြီးနောက် ကျွန်တော့်အနေနဲ့ ခက်ခဲကြမ်းတမ်းတဲ့ ဒီပရီးမီးယားလိဂ်ပြိုင်ပွဲနဲ့ ဝေးဝေးမှာနေဖို့ အချိန်တန်ပြီလို့ ဆုံးဖြတ်ခဲ့ပါတယ်”ဟု ၎င်းက ပြောကြားခဲ့သည်။

၁၉၇၆ ခုနှစ်ကတည်းက နည်းပြတစ်ဦးအဖြစ်ဆောင်ရွက်ခဲ့သူ ရွိုင်းဟော့ဒ်ဆန်သည် အသင်းပေါင်းများစွာကို ကိုင်တွယ်ခဲ့သူဖြစ်ပြီး လက်ရှိတွင် သူ၏ခရစ္စတယ်ပဲလေ့စ်နည်းပြ ရာထူးနေရာ ဆက်ခံမည့်သူအဖြစ် ချယ်လ်ဆီးနည်းပြဟောင်းလမ်းပတ်က ထိပ်ဆုံးတွင် ရေပန်းစားနေသည်။

More News

Comments

LEAVE A REPLY

Please enter your comment!
Please enter your name here

LATEST SPORTS NEWS

Advertismentspot_img

Most Popular