ဘိုင်ယန်မြူးနစ်အသင်း၏ နည်းပြဟောင်း အော်တမာဟစ်ဇ်ဖဲလ်က ဂျာမနီလက်ရွေးစင်အသင်းနှင့် လမ်းခွဲခဲ့ပြီဖြစ်သည့် နည်းပြ ယော်ကင်လိုးအနေဖြင့် ရုပ်သံဘောလုံး သုံးသပ်သူသာ ပြုလုပ်သင့်သည်ဟု အကြံပြုပြောကြားခဲ့သည်။
ယော်ကင်လိုးသည် ကလပ်အသင်းနည်းပြလောကထဲ ဝင်ရောက်လိမ့်မည်ဟု ထင်ကြေးပေးခံနေရသူဖြစ်ပြီး ခေါ်ယူရန် စောင့်ကြည့်နေသည့် ကလပ်အသင်းများစွာလည်း ရှိနေသည်။
သို့သော် ဟစ်ဇ်ဖဲလ်ကမူ ယော်ကင်လိုးအနေဖြင့် ဖိအားများကို ခံနိုင်မည်မဟုတ်ဟု သုံးသပ်ခဲ့သည်။
”တစ်နှစ်ပွဲ(၆၀)လောက်ကစားရမယ့် အခြေအနေက သူနဲ့ မသင့်တော်ပါဘူး။ ရုပ်သံသုံးသပ်သူလုပ်တာ သူ့အတွက် အကောင်းဆုံးပါပဲ”ဟု ဟစ်ဇ်ဖဲလ်က ဆိုခဲ့သည်။
