လိဒ်စ် – ချယ်လ်ဆီး (မြန်မာစံတော်ချိန် မတ်လ ၁၃ ရက် ည ၇:၀၀ နာရီ)
ပထမအကျော့ လမ်းပတ်ရဲ့လက်ထက်မှာတုန်းက ချယ်လ်ဆီးက ဂိုးပြတ်နိုင်ခဲ့တယ်။ ဒါပေမဲ့ ခြေစွမ်းကတော့ အပြတ်အသတ်ကွာနေတာမျိုးမဟုတ်ဘူး။ လိဒ်စ်ရဲ့လက်ရှိခြေ စွမ်းနဲ ့ရလဒ်က စိတ်ချရတဲ့အနေအထားမဟုတ်ဘူး။ ဒါပေမဲ့ ကစားကွက်ကတော့ မဆိုးဘူးလို့ ပြောရမယ်။ ချယ်လ်ဆီးက တူဟယ်လ်လက်ထက်မှာ ဂိုးသွင်းနှုန်းမမြင့်ဘူး။ ပေါက်ကွဲအား မကောင်းဘူး။ ငြိမ်တယ်၊ စိုးမိုးနိုင်တယ်။ ခံစစ်ကောင်းတယ်။ ချယ်လ်ဆီးနိုင်မယ်။
ခရစ္စတယ်ပဲလေ့စ် – ဝက်စ်ဘရွန်း (မြန်မာစံတော်ချိန် မတ်လ ၁၃ ရက် ည ၉:၃၀ နာရီ)
ပဲလေ့စ်က ခြေတက်နေတဲ့ ဖူလ်ဟမ်၊ ပုံစံကောင်းပြနေတဲ့ မန်ယူတို့ကို သရေကစားပြီး စပါးနဲ့ ပွဲမှာတော့ ဂိုးပြတ်ရှုံးခဲ့တယ်။ ဒါပေမဲ့ ဇာဟာက ဒီပွဲဆိုရင် ပွဲချိန်ပြည့်ပြန်ကစား နိုင်တော့မှာဖြစ်ပြီး၊ အားပိုကောင်းလာလိမ့်မယ်။ ဝက်စ်ဘရွန်းကတော့ နောက်ပိုင်းပွဲတွေမှာ ခြေတက်လာပြီး အမှတ်တွေ စုဆောင်းလာနိုင်တာတွေ့ရတယ်။ ဒီပွဲလည်း ပဲလေ့စ်ဆီက အမှတ်ခွဲယူနိုင်လိမ့်မယ်ထင်တယ်။
အဲဗာတန် – ဘန်လေ (မြန်မာစံတော်ချိန် မတ်လ ၁၃ ရက် ည ၁၂:၀၀ နာရီ)
ချယ်လ်ဆီးကို (၂)ဂိုးပြတ် ရှုံးခဲ့တယ်ဆိုပေမဲ့ အဲဗာတန်ရဲ့ ခြေစွမ်းနဲ့ရလဒ်က တည်ငြိမ်နေပါတယ်။ ခံစစ်ပိုင်းကစားပုံ တိုးတက်လာပြီး၊ တိုက်စစ်ကတော့ သိပ်စိတ်မချရဘူး။ ဘန်လေကလည်း နောက်ပိုင်းပွဲတွေမှာ သရေပွဲတွေများနေပြီး၊ လက်စတာ၊ အာဆင်နယ်တို့ဆီကလည်း သရေယူခဲ့တယ်။ ဒီပွဲလည်း သရေယူနိုင်ဖို့ ကြိုးစားမှာပဲ။ ဒါပေမဲ့ အဲဗာတန် ကပ်နိုင်သွားဖို့ များတယ်။
ဖူလ်ဟမ် – မန်စီးတီး (မြန်မာစံတော်ချိန် မတ်လ ၁၄ ရက် နံနက် ၂:၃၀ နာရီ)
လီဗာပူးလ်ကို အနိုင်ကစားခဲ့တဲ့ ဖူလ်ဟမ်က ဒီပွဲမှာလည်း မန်စီးတီးကို ဒုက္ခပေးနိုင်ဖို့ ကြိုးစားလိမ့်မယ်။ လက်ရှိ ဖူလ်ဟမ်ရဲ့ ခြေစွမ်းက အားရစရာကောင်းပြီး မာကျောတယ်။ မန်စီးတီးကတော့ မန်ယူနဲ့ပွဲမှာ ရှုံးခဲ့ပေမဲ့ ခြေစွမ်းမညံ့ခဲ့သလို လက်ရှိအချိန်မှာလည်း အကောင်းဆုံးပုံစံပြသနေတာ တွေ့ရတယ်။ ဒီပွဲက မန်စီးတီးအတွက် အခက်အခဲတော့ ရှိနိုင်တယ်။ ဒါပေမဲ့ ကပ်နိုင်ပါလိမ့်မယ်။
