မန်ယူ – ဖူလ်ဟမ် (မြန်မာစံတော်ချိန် မေလ ၁၈ ရက် ည ၁၁း၃၀ နာရီ)
ဖူလ်ဟမ်က တန်းဆင်းသွားပြီးတဲ့နောက် ရလဒ်ပိုင်းက ပိုဆိုးသွားတယ်။ ခြေစွမ်းအရမ်းမဆိုးပေမဲ့ ရှုံးပွဲတွေ ဆက်နေတယ်။ မန်ယူကလည်း လက်စတာနဲ့ လီဗာပူးလ်တို့ကို ဆက်တိုက်ရှုံးခဲ့ပြီး အမှတ်မလိုအပ်ဘဲ ယူရိုပါလိဂ်ကို ပိုအာရုံစိုက်ရမယ့်အသင်းပါ။ ဒါပေမဲ့ ဒီပွဲတော့ နိုင်ပွဲယူလိမ့်မယ်။
ဆောက်သမ်တန် – လိဒ်စ် (မြန်မာစံတော်ချိန် မေလ ၁၈ ရက် ည ၁၁း၃၀ နာရီ)
နှစ်သင်းစလုံးက ခြေစွမ်းလည်းကောင်း၊ တိုက်စစ်ပိုင်းကလည်း ဂိုးတွေမြူးနေတယ်။ နောက်ဆုံး(၂)ပွဲစီကို ဂိုးပြတ်နို်င်ပွဲတွေကစားခဲ့တာကို တွေ့ရပြီး၊ ခြေစွမ်းလည်း မျှပါတယ်။ ဒါပေမဲ့ လက်ရှိခြေစွမ်းအရဆိုရင်တော့ လိဒ်စ်ကစားတာကို ပိုကြိုက်တယ်။ လိဒ်စ် မရှုံးလောက်ဘူး ထင်တယ်။
ဘရိုက်တန် – မန်စီးတီး (မြန်မာစံတော်ချိန် မေလ ၁၉ ရက် နံနက် ဝဝး၃၀ နာရီ)
မန်စီးတီးက နောက်ပိုင်းပွဲတွေမှာ အမှားနည်းနည်းလေးတွေတွေ့ရပေမဲ့ ခြေစွမ်းပိုင်းက အမြင့်ဆုံးအခြေအနေမှာရှိတယ်။ ဒီပွဲကိုလည်း ပရီးမီးယားလိဂ်မှာကစားနေကျ လူစာရင်းနဲ့ ကစားပြီး အဓိကကစားသမားတွေကို အနားပေးထားလိမ့်မယ်။ ဒါပေမဲ့ နိုင်ပွဲရဦးမှာပဲ။
ချယ်လ်ဆီး – လက်စတာ (မြန်မာစံတော်ချိန် မေလ ၁၉ ရက် နံနက် ၁း၁၅ နာရီ)
ပြီးခဲ့တဲ့ FA ဖလားဗိုလ်လုပွဲမှာတော့ ချယ်လ်ဆီးအသင်းက လက်စတာကို အရှုံးပေးခဲ့ရတယ်။ ပရီးမီးယားလိဂ်မှာလည်း အာဆင်နယ်အသင်းကို ရှုံးထားလို့ နှစ်ပွဲဆက် ရှုံးပွဲတွေ့ခဲ့တာဖြစ်ပြီး ချယ်လ်ဆီးရဲ့ မြင့်တက်နေတဲ့ ယုံကြည်မှုကို သိသိသာသာထိခိုက်သွားခဲ့တာတွေ့ရတယ်။ ဒီပွဲမှာလည်း ပုံမှန်အားဖြင့်တော့ ချယ်လ်ဆီးက ချန်ပီယံလိဂ်ဝင်ခွင့်အတွက် အမှတ်ပိုလိုအပ်နေတဲ့အသင်းဖြစ်လို့ နိုင်ပွဲရဖို့ ပိုလိုအပ်နေတယ်ဆိုပေမဲ့ လက်စတာကလည်း အမှတ်လိုနေတဲ့အသင်းပါပဲ။ ဒီပွဲသာ သရေကျမယ်ဆိုရင် နှစ်သင်းစလုံး နောက်ဆုံးပွဲမတိုင်ခင် လက်ရှိအမှတ်ကွာဟမှုအတိုင်း သွားမှာဖြစ်ပေမဲ့ နောက်ဆုံးပွဲမှာ လက်စတာက စပါးနဲ့ ကစားရမှာဖြစ်လို့ ပွဲကျပ်ပြီး၊ မဖြစ်မနေအနိုင်ကစားထားရမယ့် အခြေအနေလည်းဖြစ်နေတယ်။ စပါးကို သရေကျပြီး နောက်ဆုံးပွဲမှာ ချယ်လ်ဆီးက ဗီလာကိုနိုင်ခဲ့ရင် ဂိုးကွာခြားချက်နဲ့ ချယ်လ်ဆီးက ပြန်ကျော်တက်သွားမှာဖြစ်တယ်။ ဒါကြောင့် လက်စတာကလည်း ချန်ပီယံလိဂ်ဝင်ခွင့်သေချာဖို့ ဒီပွဲမှာ အနို်င်ကစားဖို့လိုနေတယ်။ ချယ်လ်ဆီးအတွက် နောက်ထပ်ခက်ခဲတဲ့ပွဲတစ်ပွဲဖြစ်ပြီး သရေကျသွားဖို့ရှိတယ်။
