စပါးအသင်း၏ တိုက်စစ်မှူး ဟာရီကိန်းသည် အသင်းမှထွက်ခွာလိုကြောင်း ထပ်မံတောင်းဆိုခဲ့သည်ဟု ဗြိတိန်မီဒီယာများက တနင်္လာနေ့တွင် ဖော်ပြခဲ့ကြသည်။
ဟာရီကိန်းသည် စပါးအသင်းနှင့် ၂၀၂၄ ခုနှစ်အထိ စာချုပ်ချုပ်ဆိုထားသော်လည်း ဆုဖလားအောင်ပွဲ ရယူလိုသည့်အတွက် အသင်းပြောင်းရွှေ့ရန် ဆန္ဒရှိနေခြင်းဖြစ်ပြီး ကမ်းလှမ်းမှုများ ရှိလာပါက လက်ခံစဉ်းစာပေးရန် ပြီးခဲ့သည့်လပိုင်းအတွင်းက အသင်းတာဝန်ရှိသူများထံ တောင်းဆိုခဲ့သည်။
ယခုအခါ ဟာရီကိန်းက လာမည့်နွေရာသီတွင် အသင်းမှထွက်ခွာလိုကြောင်းနှင့် အသင်းပြောင်းရွှေ့ခွင့်ပြု၊ မပြုနှင့်ပတ်သက်၍ ယူရို-၂၀၂၀ ပြိုင်ပွဲမတိုင်မီ ရှင်းလင်းသည့်အဖြေပေးရန် တောင်းဆိုခဲ့ခြင်းဖြစ်ကြောင်း သိရသည်။
လက်ရှိအချိန်တွင် စပါးအသင်းကလည်း တိုက်စစ်မှူးသစ်ရှာဖွေရန် ပြင်ဆင်နေပြီဖြစ်ကြောင်း သိရသည်။
ဟာရီကိန်းသည် စပါးအသင်းနှင့် လက်ရှိချုပ်ဆိုထားသည့်စာချုပ်မှာ ၂၀၂၄ ခုနှစ်အထိ ဖြစ်သည်။
၎င်းအနေဖြင့် စပါးအသင်းအတွက် ၃၃၄ ပွဲကစားရာတွင် ၂၂၀ ဂိုးအထိ သွင်းယူထားသော်လည်း ဆုဖလားတစ်လုံးမျှ မရရှိသေးကြောင်း သိရသည်။
