အဲဗာတန် – ဝုလ်ဗ် (မြန်မာစံတော်ချိန် မေလ ၁၉ ရက် ည ၁၁:၃၀ နာရီ)
အဲဗာတန်က လက်ကျန်ပွဲအားလုံး အနိုင်ကစားပြီး ဥရောပဝင်ခွင့်တစ်နေရာကို မျှော်လင့်ရမယ့်အသင်းဖြစ်တယ်။ ဒါပေမဲ့ ဝုလ်ဗ်လို မာကျောတဲ့အသင်းနဲ့တွေ့နေလို့ ခက်ပါတယ်။ ဝုလ်ဗ် က အမှတ်သိပ်မလိုပေမဲ့ အဲဗာတန်ကို ဒုက္ခပေးနိုင်တဲ့အသင်း မျိုးဖြစ်ပြီး မထင်မှတ်ဘဲ သရေကျသွားနိုင်တယ်။
နယူးကာဆယ် – ရှက်ဖီးယူနိုက်တက် (မြန်မာစံတော်ချိန် မေလ ၁၉ ရက် ည ၁၁:၃၀ နာရီ)
မန်စီးတီးကို အနိုင်ရလုနီးပါး၊ သရေရလုနီးပါးကစားခဲ့တဲ့ နယူးကာဆယ်ရဲ့ ခြေစွမ်းက မယုံနိုင်စရာပါ။ ခံစစ်ကို အသားပေးထားတဲ့ တည်ဆောက်ပုံမျိုးနဲ့ ဂိုးတွေလည်းရနေတာ တွေ့ရတယ်။ နိုင်တစ်လှည့်၊ ရှုံးတစ်လှည့်နဲ့ ရလဒ်မငြိမ်ဘူးလို့ ထင်စ ရာရှိပေမဲ့ ခြေစွမ်းကောင်းပြီး၊ တည်ငြိမ်တဲ့အသင်းဖြစ်နေတာ တွေ့ရတယ်။ ရှက်ဖီးကိုလည်း အနိုင်ကစားလိမ့်မယ်။
စပါး – အက်စတွန်ဗီလာ (မြန်မာစံတော်ချိန် မေလ ၁၉ ရက် ည ၁၁:၃၀ နာရီ)
စပါးက ယူရိုပါလိဂ်ဝင်ခွင့်တစ်နေရာအတွက် မျှော်လင့်ချက်ရှိနေပါသေးတယ်။ ဒါပေမဲ့ ဒီပွဲကို အနိုင်ကစားဖို့လိုသလို နောက်ဆုံးပွဲကလည်း လက်စတာနဲ့ ပွဲကျပ်ဖြစ်နေလို့ ခက်တော့ ခက်တယ်။ ဗီလာကလည်း အမှတ်မလိုပေမဲ့ ခြေကုန်ထုတ်ကစားနေပြီး စပါးနိုင်ဖို့ ရှိသလို၊ သရေလည်းဖြစ်သွားနို်င်တယ်။
ခရစ္စတယ်ပဲလေ့စ် – အာဆင်နယ် (မြန်မာစံတော်ချိန် မေလ ၂၀ ရက် နံနက် ၀၀:၃၀ နာရီ)
အာဆင်နယ်က မျှော်လင့်ချက်နည်းပေမဲ့ ပြိုင်ဘက်တွေ ခြေချော်ရင် အခွင့်အရေးရှိနိုင်သေးတယ်။ ရလဒ်ပိုင်းရော၊ ခြေစွမ်းပိုင်းပါ မြင့်တက်နေတယ်။ ဒါပေမဲ့ ပဲလေ့စ်ကွင်းမှာ ကစားရ မှာ အခက်အခဲတော့ရှိတယ်။ ပဲလေ့စ်တိုက်စစ်က လူစုံနေပြီး မထင်မှတ်တာတွေလုပ်ပြနိုင်တယ်။ သရေကျသွားနိုင်တယ်။
ဘန်လေ – လီဗာပူးလ် (မြန်မာစံတော်ချိန် မေလ ၂၀ ရက် နံနက် ၁:၄၅ နာရီ)
လီဗာပူးလ်က ဒီအချိန်မှာ ချယ်လ်ဆီးနဲ့ လက်စတာ ထိပ်တိုက်တွေ့နေတဲ့ အခွင့်အရေးကို အသုံးချရမှာဖြစ်တယ်။ ဒီပွဲပြီးရင်လည်း နောက်ဆုံးပွဲမှာ ခရစ္စတယ်ပဲလေ့စ်နဲ့ အိမ်ကွင်းပွဲဖြစ်လို့ လီဗာပူးလ်က ဒီပွဲကိုပါ နိုင်ရင် (၆၉)မှတ်အထိရောက်သွား နိုင်ပြီး၊ ဂိုးကွာခြားချက်မှာပါ အသာစီးရနိုင်ခြေရှိသွားလို့ ချန်ပီယံလိဂ်ဝင်ခွင့်ရပြီလို့တောင် ပြောလို့ရတယ်။ ဘန်လေကတော့ အမှတ်မလိုတဲ့အသင်းပါ။ ဒါပေမဲ့ ပွဲတိုင်းအားထည့်ကစားနေပြီး၊ ရလဒ်တွေကတော့ မှန်းရခက်တယ်။ အမှတ်လိုနေတဲ့အသင်း တွေကို အနိုင်ကစားပြီး၊ အမှတ်မလိုတဲ့အသင်းအချင်းချင်းပွဲတွေမှာ ရလဒ်တွေချော်ရင်လည်း ချော်နေတတ်တယ်။ တကယ် ကစားနေပြီး၊ ခြေအတက်အကျမငြိမ်ဘူးလို့ပဲ ပြောနိုင်တယ်။ ဒါ့အပြင် အဝေးကွင်းမှာ နိုင်ပွဲတွေယူပြီး၊ အိမ်ကွင်းပွဲတွေမှာ ဆက်တိုက်ရှုံးနေတဲ့ Rhythm ကလည်း ရှိနေတယ်။ လီဗာပူးလ်နဲ့ ပွဲမှာလည်း ဒီ Rhythm အတိုင်းဆိုရင် လီဗာပူးလ်ကပဲ အနိုင်ရသွားမယ့် သဘောရှိပြီး လက်ရှိ ခြေစွမ်း၊ အမှတ်လိုအပ်ချက်အရလည်း လီဗာပူးလ်က အများကြီးပိုအားသာနေပါတယ်။ ဒါ ကြောင့် လီဗာပူးလ် အနိုင်ယူသွားလိမ့်မယ်။
ဝက်ဘရွန်း – ဝက်စ်ဟမ်း (မြန်မာစံတော်ချိန် မေလ ၂၀ ရက် နံနက် ၁:၄၅ နာရီ)
ဘန်လေကို သရေကစားပြီးတဲ့နောက် ဝက်စ်ဟမ်းရဲ့ အဆင့်(၄)အတွင်းဝင်ရေးအိပ်မက်က ပျက်စီးသလောက်ဖြစ်သွားတယ်။ တကယ်အားပြိုင်ကြတဲ့အချိန်မှာ ရလဒ်တွေ ယိမ်း ယိုင်သွားခဲ့ပြီး ဖိအားမိသွားတယ်လို့ပဲ ပြောရမယ်။ ဒါပေမဲ့ ယူရိုပါလိဂ်ဝင်ခွင့်ကိုပါ ထိခိုက်လောက်အောင် အမှားမကျူးလွန်ဘူးလို့ ယူဆရတယ်။ ဝက်စ်ဟမ်းကို ကြိုက်တယ်။
