နယူးကာဆယ် – အာဆင်နယ် (တနင်္ဂနွေည ရး၃၀ နာရီ)
ရလဒ်ကောင်းတွေ ဆက်တိုက်ယူနိုင်ခဲ့တဲ့အတွက် နယူးကာဆယ်က တန်းဆင်းဇုန် နဲ့ (၉)မှတ်ကွာအနေအထားအထိ ရောက်သွားပြီ။ စိတ်ချရတဲ့ နေရာဆိုပေမဲ့ ပိုပြီး သေ ချာချင်ရင်တော့ ဒီပွဲမှာ (၁)မှတ်လောက်ထပ်ယူဖို့ လိုတယ်။ ယူဖို့လည်း ကြိုးစားမှာပဲ။အာ ဆင်နယ်က ယူရိုပါလိဂ်ဝင်ခွင့်မျှော်လင့်ချက်တော့ ရှိသေးတယ်။ ဒါပေမဲ့ ဒီရာသီ ယူရိုပါလိဂ် ပြိုင်ပွဲကိုပဲ ပိုအားစိုက်ဖို့များပါတယ်။ နယူးကာဆယ် အမှတ်ယူနိုင်မယ်ထင်တယ်။
မန်ယူ – လီဗာပူးလ် (တနင်္ဂနွေည ၁ဝးဝ၀ နာရီ)
မန်ယူထက် လီဗာပူးလ်အတွက် ပိုအရေးပါတဲ့ ပွဲလို့ ပြောရမယ်။ မန်စီးတီးက လိဒ်စ်ကိုရှုံးပြီး မန်ယူက ဘန်လေကို နိုင် လိုက်ချိန်မှာ ဖြစ်လာခဲ့တဲ့ မျှော်လင့်ချက်ရေးရေးလေးက ပြီးခဲ့တဲ့ပွဲမှာ လိဒ်စ်နဲ့ သရေကျခဲ့ပြီးနောက် ပြန်အားနည်းသွားခဲ့ပါပြီ။ မန်ယူကဒီရာသီမှာ အဆင့် (၂)နေရာနဲ့ ရာသီသိမ်းဖို့ပဲ များသွားပြီ။ လီဗာပူးလ်ကတော့ လိဒ်စ်နဲ့ နယူးကာဆယ်တို့ကို ဆက် တိုက်သရေကျခဲ့တဲ့အတွက် ချန်ပီယံလိဂ်ဝင်ခွင့်အိပ်မက်က အခက်အခဲတွေရှိနေတယ်။ ချယ်လ်ဆီး၊ လက်စတာတို့ကို ကျော် တက်ဖို့ အခွင့်အရေးရှိပေမဲ့ လက်ကျန်ပွဲတွေမှာ အမှားမခံဖို့လည်း လိုတယ်။ မန်ယူက ယူရိုပါလိဂ်အတွက် အာရုံပိုစိုက်ရမယ့် အနေအထားဖြစ်နေချိန်မှာ လီဗာပူးလ်က အခွင့်အရေးကို ယူနိုင်ဖို့ ကြိုးစားရလိမ့်မယ်။ ဒီပွဲသာ သရေကျခဲ့ရင် ရလဒ် ပိုင်းအရ မဆိုးဘူးလို့ဆိုရမှာဖြစ်ပေမဲ့ ရာသီကုန်ရပ်တည်မှုအတွက် ပိုခက်ခဲသွားနိုင်လို့ လီဗာပူးလ်ခြေကုန်ထုတ်ရလိမ့်မယ်။ လီဗာပူးလ်ကို ပိုကြိုက်တယ်။
စပါး – ရှက်ဖီးယူနိုက်တက် (တနင်္လာနံနက် ဝဝး၄၅ နာရီ)
ရိုင်ယန်မေဆင်ရဲ့စပါးက ဆောက်သမ်တန်ကို ကပ်နိုင်ခဲ့တယ်။ ဒါပေမဲ့ လိဂ်ဖလား ဗိုလ်လုပွဲမှာတော့ မန်စီးတီးကို ဗိုလ်လုပွဲ ဂုဏ်သိက္ခာနဲ့ အညီတောင် မကစားနိုင်ခဲ့ဘူးလို့ ပြောရမယ်။ ချန်ပီယံလိဂ်ဝင်ခွင့်မျှော်လင့်ချက်အတွက်ဆိုရင်တော့ လီဗာပူူးလ်၊ဝက်စ်ဟမ်း၊ ချယ်လ်ဆီးတို့ကို ကျော်ဖို့ ကြိုးစားရမယ့် အသင်းတစ်သင်းအနေနဲ့ အမှတ်မလျော့သင့်ဘူး။ ရှက်ဖီးကလည်း အရမ်းအားနည်းနေလို့ စပါး နိုင်ပွဲဆက်ပါလိမ့်မယ်။
