ဘန်လေ – နယူးကာဆယ် (မြန်မာစံတော်ချိန် ဧပြီလ ၁၁ ရက် ညနေ ၅း၃၀ နာရီ)
ဘန်လေက မာကျောတဲ့အသင်းတစ်သင်းဖြစ်ပြီး နောက်ဆုံးကစားခဲ့တဲ့ပွဲတွေမှာလည်း တည်ငြိမ်တဲ့စွမ်းဆောင်ရည်ကို ပြခဲ့တယ်။ ဆောက်သမ်တန်ကို (၂)ဂိုးအသာနဲ့ ပြန် ရှုံးခဲ့တဲ့ပွဲမှာ ဘန်လေကစားတာ အားရစရာမရှိပေမဲ့ ပုံမှန်အားဖြင့်တော့ ဘန်လေက စားတာ နယူးကာဆယ်ထက် ပိုကောင်းပါတယ်။ နယူးကာဆယ်က နောက်ပိုင်းပွဲတွေမှာ သရေပွဲတွေများနေပြီး နိုင်ပွဲယူဖို့ ရုန်းကန်နေရတဲ့အသင်းပါ။ ဘန်လေကိုပဲ ကြိုက်တယ်။
ဝက်စ်ဟမ်း – လက်စတာ (မြန်မာစံတော်ချိန် ဧပြီလ ၁၁ ရက် ည ရး၃၅ နာရီ)
ချန်ပီယံလိဂ်ဝင်ခွင့်တိုက်ပွဲအတွက် အရေးကြီးတဲ့ပွဲတစ်ပွဲဖြစ်တယ်။ အဆင့် (၃၊ ၄) နေရာအတွက် လုမယ့်အသင်းတွေက များနေပြီး ချယ်လ်ဆီး၊ စပါး၊ လီဗာပူးလ်တို့လိုအ သင်းကြီးတွေရဲ့ ဖိအားဒဏ်ကို ဝက်စ်ဟမ်း၊ လက်စတာတို့ ကြံ့ကြံ့ခံနိုင်ဖို့ ကြိုးစားရမှာဖြစ် တယ်။ ဒက်ကလန်ရိုက် မပါနိုင်တဲ့ ပထမဆုံးပွဲမှာ ဝုလ်ဗ်ကို ဝက်စ်ဟမ်း နိုင်ခဲ့ပေမဲ့ ရေရှည်ဆိုရင် လွယ်ပါ့မလားဆိုတာ စောင့်ကြည့်ရမယ်။ လက်စတာ မရှုံးလောက်ဘူးထင်တယ်။
စပါး – မန်ယူ (မြန်မာစံတော်ချိန် ဧပြီလ ၁၁ ရက် ည ၁ဝးဝ၀ နာရီ)
ပထမအကျော့တုန်းက စပါးက မန်ယူကို ဂိုးပြတ်သွင်းခဲ့တယ်။ ဒီပွဲက နှစ်သင်းစလုံးအတွက် အရေးပါတဲ့ပွဲဆိုပေမဲ့ စပါးအတွက် ပိုအရေးပါနေတယ်။ မန်ယူက ပထမအကျော့ အိမ်ကွင်းဂိုးအလှူပေးခဲ့ရတဲ့ပွဲကို ပြန်တုံ့ပြန်ဖို့ ကြိုးစားဖို့သာဖြစ်ပြီး ချန်ပီယံလိဂ်ဝင်ခွင့်အတွက်က စိတ်ချရလုနီးပါးဖြစ်နေပြီ။ စပါးကတော့ ပြီးခဲ့တဲ့ပွဲမှာ နယူးကာဆယ်ကို နိုင်သင့်လျက်နဲ့ သရေကျခဲ့တာ တော်တော်လေး နစ်နာခဲ့ပြီး ဒီပွဲက မဖြစ်မနေအနိုင်ကစားရမယ့် အနေအထားဖြစ်နေတယ်။ ကစားသမားအင်အားချင်းယှဉ်ရင် သိပ်မကွာပေမဲ့ တိုက်စစ်ပိုင်းမှာတော့ In-form ဖြစ်နေတဲ ့ဟာရီကိန်းနဲ့ စပါးက သွင်းဂိုးတွေအတွက် ပိုစိတ်ချရတဲ့ အနေအထားဖြစ်နေပြီး ခံစစ်ကစားပုံကတော့ အမှားများလွန်းတဲ့ စပါးထက် မန်ယူက ပိုကောင်းတယ်။ ကွင်းလယ်မှာလည်း မန်ယူရဲ့ ဖန်တီးနိုင်စွမ်းက နည်းနည်းလေးသာတယ်လို့ ပြောလို့ရတယ်။ ပထမအကျော့အဝေးကွင်းမှာ ဂိုးပြတ်နိုင်ထားပေမဲ့ အိမ်ကွင်းမှာ စပါး အသာစီးယူနိုင်မယ်မထင်ဘူး။ သရေလောက်ပဲ ဖြစ်လိမ့်မယ်။
ရှက်ဖီးယူနိုက်တက် – အာဆင်နယ် (မြန်မာစံတော်ချိန် ဧပြီလ ၁၂ ရက် နံနက် ဝဝး၃၀ နာရီ)
ရှက်ဖီးယူနိုက်တက်က ဆေးမမီတော့ပါဘူး။ တန်းဆင်းဖို့ သေချာသလောက်ရှိနေပြီဖြစ်ပြီး ရာသီလက်ကျန်ပွဲစဉ်တွေမှာလည်း ပွဲတိုင်းရုန်းကန်သွားရဖို့ များနေတယ်။ အာဆင်နယ်ကလည်း ဝက်စ်ဟမ်းကိုသရေ၊ လီဗာပူးလ်တို့ကို ရှုံးခဲ့ပြီးတဲ့နောက်
အဆင့် (၁၀)နေရာကနေ အဆင့်အများကြီး ပြောင်းလဲမယ်မထင်တော့ဘူး။ ဒါပေမဲ့ ဒီပွဲကိုတော့ အာဆင်နယ် အနိုင်ကစားလိမ့်မယ်ထင်တယ်။
