အင်္ဂလန်ပြည်တွင်းလိဂ်ပြိုင်ပွဲ(၄)ခုတွင် ကမ္ဘာတစ်ဝန်းမှလောင်းကစားကုမ္ပဏီများနှင့် စပွန်ဆာစာချုပ် ချုပ်ဆိုထား မှု စုစုပေါင်း(၁၉၃)ခုအထိ ရှိနေကြောင်း သိရှိရသည်။
ယင်း (၁၉၃)ခုထဲတွင် ပရီးမီးယားလိဂ်ကလပ်အသင်းများချုပ်ဆိုထားသော စာချုပ်မှာ (၇၇)ခုအထိရှိနေပြီး ယင်းစာချုပ်များ၏ စုစုပေါင်းတန်ဖိုးမှာ ပေါင်(၇၈)သန်းအထိရှိနေကြောင်း သိရသည်။ အင်္ဂလန်လိဂ်ပြိုင်ပွဲ (၄)ခုစလုံးတွင်မူ လောင်းကစားစ ပွန်ဆာစာချုပ်များ၏ စုုစုပေါင်းတန်ဖိုးမှာ ပေါင်(၁၁၆.၈)သန်း အထိရှိကြောင်း သိရသည်။
ဗြိတိန်အစိုးရသည် လောင်းကစားဥပဒေများကို ပြန်လည်ပြင်ဆင်ရေးဆွဲရန်အတွက် လေ့လာသုံးသပ်မှုများပြုလုပ်လျက်ရှိနေပြီး အစိုးရမှတာဝန်ပေးအပ်ထားသော လေ့လာဆန်းစစ်ရေးအဖွဲ့က ယင်းအချက်အလက်များကို ဖော်ထုတ် တင်ပြခဲ့ခြင်းဖြစ်သည်။
အစိုးရမှတာဝန်ပေးအပ်ထားသော ယင်းလေ့လာဆန်းစစ်ရေးအဖွဲ့သည် အားကစားအပါအဝင် ကဏ္ဍအသီးသီး၌ လောင်းကစားကုမ္ပဏီများ ပါဝင်ပတ်သက် နေမှုကို စုံစမ်းလေ့လာမှုများပြုလုပ်နေပြီး ယခုနှစ်ကုန်ပိုင်း တွင် ၎င်းင်းတို့ ၏မှတ်တမ်းတင်မှုကို အဆုံးသတ်ဖွယ်ရှိနေသည်။
ယင်းကဲ့သို့ မှတ်တမ်းတင်မှုများပြီးစီးပါက လောင်းကစားဥပဒေကို ပြန်လည်ပြင်ဆင်ရေးဆွဲပြဋ္ဌာန်းသွားမည်ဖြစ်ပြီး အ နာဂတ်ကာလတွင် လောင်းကစားလုပ်ငန်းများအား ပိုမိုထိန်းချုပ်သွားရန် ရည်ရွယ်ထားကြောင်း သိရသည်။ သို့ဖြစ်ရာ ဘောလုံးအသင်းများ၏အကျႌများတွင် လောင်းကစားကုမ္ပဏီများ၏ အမှတ်တံဆိပ်များ ဖော်ပြကြော်ငြာခြင်းကို ဥပဒေ အရတားဆီးပိတ်ပင်မှုများရှိလာနိုင်ကြောင်း သိရသည်။
လက်ရှိတွင် ပရီးမီးယားလိဂ်အသင်း (၈)သင်းမှာ ၎င်းတို့၏ အကျႌစပွန်ဆာစာချုပ်များအတွက် လောင်းကစားကုမ္ပဏီ များနှင့် စာချုပ်များချုပ်ဆိုထားပြီး လိဂ်ချန်ပီယံရှစ်ပြိုင်ပွဲတွင်လည်း ပြိုင်ပွဲဝင်အသင်းများ၏ ထက်ဝက်အရေအတွက်ဖြစ် သည့် (၁၂)သင်းမှာ လောင်းကစားကုမ္ပဏီများနှင့် အကျႌစ ပွန်ဆာစာချုပ် ချုပ်ဆိုထားသည်။
ပြီးခဲ့သည့်လများအတွင်း ဗြိတိန်ဝန်ကြီးချုပ် ဘောရစ်ဂျွန်ဆင်က လောင်းကစားကုမ္ပဏီများ၏ အမှတ်တံဆိပ်များ ဘောလုံးလောကတွင် ပျံ့နှံ့နေ ခြင်းအတွက် စိုးရိမ်မိကြောင်း သူ၏ပုဂ္ဂိုလ်ရေးအမြင်ကို ထုတ် ဖော်ပြောကြားထားသည်။ လက်ရှိတွင် ဥပဒေပိုင်းအရလည်း ပြန်လည်သုံးသပ်မှုများပြုလုပ်နေ၍ လောင်းကစားစပွန်ဆာ များအနေဖြင့် အနာဂတ်တွင် ထိန်းချုပ်မှုများပြုလုပ်ခံရမည် ဖြစ်ကြောင်း ဗြိတိန်မီဒီယာများက သုံးသပ်ဖော်ပြကြသည်။
လက်ရှိအခြေအနေများအရ ကလပ်အသင်းအတော်များများမှာ အသင်းရပ်တည်ရေးအတွက် စပွန်ဆာငွေကြေးများကို အားထားနေရရာ လောင်းကစားစပွန်ဆာများကို တား ဆီးပိတ်ပင်ခဲ့ပါက ကလပ်အသင်းများ၏ ရပ်တည်ရေးအတွက် အခက်အခဲဖြစ်လာနိုင်ကြောင်း ပြောဆိုသုံးသပ်မှုများလည်း ရှိနေသည်။ အင်္ဂလန်ဘောလုံးလိဂ်အသင်း(၇၂)သင်းပါဝင်သည့် အင်္ဂလန်ဘောလုံးလိဂ်အဖွဲ့ချုပ် (EFL)၏ ဥက္ကဋ္ဌဖြစ်သူ ရစ်ပယ်ရီက အင်္ဂလန်ဘောလုံးလောကတွင် လောင်းကစား စပွန်ဆာများအား တားဆီးပိတ်ပင်မှုများပြုလုပ်ခဲ့ပါက ကြီးမားသည့် ကပ်ဘေးဆိုက်ရောက်သကဲ့သို့ ဖြစ်သွားစေနိုင်ကြောင်း သတိပေးပြောဆိုမှုများ ပြုလုပ်ထားသည်။
