spot_img

ပွဲစဉ်အခြေအနေအရ စပါးအသင်း အသာစီးရနေသည်ဆိုသည့် အာတီတာ၏ ပြောကြားမှုကို မော်ရင်ဟို လက်မခံ

စပါးအသင်း၏ နည်းပြဖြစ်သူ မော်ရင်ဟိုက အာဆင်နယ်အသင်းနှင့် ကစားရမည့် မြောက်လန်ဒန်ဒါဘီပွဲစဉ်မတိုင်မီတွင် ပွဲစဉ်အခြေအနေအရ စပါးအသင်းက အသာစီးရနေသည်ဆိုသည့် အာတီတာ၏ ပြောဆိုမှုကို ငြင်းဆန်ခဲ့ကြောင်း သိရသည်။

အာဆင်နယ်အသင်းသည် အိုလံပီယာကော့စ်အသင်းနှင့် ယူရိုပါ လိဂ်အဝေးကွင်းပွဲစဉ်ကို ကစားခဲ့ပြီး၊ စပါးအသင်းကမူ ဒိုင်နမိုဇာဂရက်အသင်းကို အိမ်ကွင်းတွင် လက်ခံကစားခဲ့ရသည်။

myan789

မူလ ပွဲစဉ်ဇယားအရ စပါး အသင်းသည် အဝေးကွင်းပွဲစဉ်ကို ဦးစွာကစားရမည်ဖြစ်သော်လည်း လန်ဒန်မြို့ခံနှစ်သင်းစလုံး အဝေးကွင်း ပွဲစဉ်ဖြစ်နေသဖြင့် စပါးအသင်း၏ပွဲစဉ် အား အိမ်ကွင်းတွင် စတင်ကစားရန် စီစဉ်ခဲ့ခြင်းဖြစ်သည်။

ယင်းအတွက်ကြောင့် အာတီတာက လန်ဒန်ဒါဘီပွဲစဉ်မတိုင်မီ စပါးအသင်းက ခရီးမပန်းသည့် အပေါ်အသာရသည်ဟု ဆိုခဲ့ခြင်းဖြစ်သည်။

သို့သော် မော်ရင်ဟိုက “ဒီဇင်ဘာ (၆)ရက်နေ့တုန်းက ကျွန်တော်တို့ အာဆင်နယ်နဲ့ ကစားခဲ့ပါတယ်။ (၃)ရက်နေ့မှာ အာဆင်နယ်က ရက်ပစ်ဗီယင်နာနဲ့ အိမ်ကွင်း ပွဲကစားခဲ့ပြီး၊ အဲ့ဒီနေ့မှာပဲ ကျွန်တော်တို့က ရေခဲတွေကြားမှာ LASK နဲ့ က စားခဲ့ပါတယ်။ ပြီးတော့ လန်ဒန်ကို (၃) နာရီမှ ပြန်ရောက်တယ်။ အာဆင်နယ်က အားသာခဲ့လို့လား”ဟု မေး ခွန်းထုတ်ခဲ့သည်။

ထိုအချိန်က ကစားခဲ့သည့် ပွဲစဉ်တွင် စပါးအသင်းသည် အာဆင်နယ်အသင်းကို (၂-၀) ဂိုးဖြင့် အနိုင်ရရှိခဲ့သည်။

More News

Comments

LEAVE A REPLY

Please enter your comment!
Please enter your name here

LATEST SPORTS NEWS

Advertismentspot_img

Most Popular