ဝက်စ်ဘရွန်း – နယူးကာဆယ် (တနင်္ဂနွေညနေ ၆း၃၀ နာရီ)
ဝက်စ်ဘရွန်းရဲ့ ရလဒ်တွေက သိသိသာသာ ကောင်းလာတယ်။ စပါးကို ရှုံးခဲ့ပြီးတဲ့ နောက်မှာ သရေ (၃)ပွဲနဲ့ နိုင်ပွဲ (၁)ပွဲယူနိုင်ခဲ့တယ်။ အသင်းကြီးတွေဆီကလည်း အမှတ် ခွဲယူနိုင်ခဲ့တာတွေ့ရတယ်။ အထူးသဖြင့် ခံစစ်အားပြုကစားပုံနဲ့ အမှတ်တွေယူနေတာ ဖြစ်ပြီး တိုက်စစ်ကတော့ အားရစရာသိပ်မရှိဘူး။ ဒါပေမဲ့ ဒီအချိန်မှာတော့ နယူးကာဆယ် ဆီက အမှတ်ယူနိုင်ဖို့ သေချာပါတယ်။
လီဗာပူးလ် – ဖူလ်ဟမ် (တနင်္ဂနွေည ၈း၃၀ နာရီ)
လီဗာပူးလ်အတွက်တော့ ခက်ခဲတဲ့ပွဲတစ်ပွဲကို ကစားရမယ့် အနေအထားပါ။ ဖူလ် ဟမ်က ကစားတာမာကျောပြီး မြန်တယ်။ လက်ရှိခံစစ်က လီဗာပူးလ်တိုက်စစ်ကို ဂိုးအ များကြီး မပေးရအောင် ကစားနိုင်လိမ့်မယ်လို့လည်း ယူဆရတယ်။ လီဗာပူးလ်ကတော့ ဖူလ်ဟမ်ထက် အစစအရာရာသာပေမဲ့ ခံစစ်ပြဿနာရှိသလို၊ တိုက်စစ်ကလည်း ဂိုးအရ နည်းနေတယ်။ ယုံကြည်မှု ပြဿနာလည်းရှိတယ်။ နိုင်ရင်တောင် ဂိုးမပြတ်လောက်ဘူး။
မန်စီးတီး – မန်ယူ (တနင်္ဂနွေည ၁၁း၀၀ နာရီ)
လက်ရှိ ခြေစွမ်းအရဖြစ်စေ၊ အသင်းလိုက်စုဖွဲ့မှုနဲ့ လူအင်အားအရဖြစ်စေ၊ မန်စီးတီးကို မန်ယူ မယှဉ်နိုင်ဘူး။ ပြီးခဲ့တဲ့ ရာသီတုန်းက မန်ယူက မန်စီးတီးကို နှစ်ကျော့စလုံး အနိုင်ကစားခဲ့ပေမဲ့ လက်ရှိအနေအထားနဲ့ ဒီလိုလုပ်နိုင်ဖို့ကို မျှော်လင့်ဖို့ မဖြစ်နိုင်ဘူး။ ပထမအကျော့ မန်ယူကွင်းမှာတုန်းက ဂိုးမရှိသရေကျခဲ့တယ်။ နှစ်သင်းစလုံး ခြေသိပ်မကွာဘူးလို့လည်း ပြော လို့ရတယ်။ ဒါပေမဲ့ Form အရပြောမယ်ဆိုရင် အဲဒီအချိန်က အနေအထားနဲ့ အခုအနေအထားလည်း မတူဘူး။ မန်စီးတီးက နောက်ဆုံး (၂)ပွဲမှာ ဂိုးတွေ ပေးခဲ့ရပေမဲ့ မန်စီးတီးခံစစ်က ကျော်ဖြတ်ဖို့ခက်တဲ့အနေအထားဖြစ်လာတယ်။ ဒါ့အပြင် မန်စီး တီးရဲ့တိုက်စစ်က ဂိုးတွေပုံမှန်ရနေပြီး၊ နောက်ဆုံးကစားခဲ့တဲ့ ပရီးမီးယားလိဂ် (၁၅)ပွဲဆက်တိုက် အနိုင်ရခဲ့တဲ့ Rhythm က လည်း ချီးကျူးစရာကောင်းတယ်။ မန်ယူက တန်ပြန်တိုက်စစ်ကစားမှာ သေချာတယ်။ ဂိုးရဖို့ထက် ဂိုးမပေးရဖို့ကို ဦးစားပေး လိမ့်မယ်။ ဂိုးအနည်းအများက မန်စီးတီးအပေါ် မူတည်တယ်။ မန်စီးတီးကိုပဲ ကြိုက်တယ်။
စပါး – ခရစ္စတယ်ပဲလေ့စ် (တနင်္လာနံနက် ၁း၄၅ နာရီ)
စပါးက ဘန်လေနဲ့ပွဲမှာ အားကောင်းတဲ့ပုံစံကို ပြသခဲ့ပြီး၊ ခြေစွမ်းပိုင်းလည်း မဆိုးပါ ဘူး။ ခရစ္စတယ်ပဲလေ့စ်ကတော့ ရလဒ်တွေဆက်တိုက်ဆိုးနေရင်း ဘရိုက်တန်နဲ့ ဖူလ်ဟမ် တို့ဆီက (၄)မှတ်ယူနိုင်ခဲ့တယ်။ ဒါပေမဲ့ ပဲလေ့စ်ရဲ့ခံစစ်က စိတ်မချရဘူး။ စပါးကလည်း တိုက်စစ်ပိုင်းက ဂိုးတွေ ပြန်သွင်းလာနိုင်တာ တွေ့ရတယ်။ ဒါကြောင့် ဒီပွဲက စပါးအတွက်ပဲ ဖြစ်လိမ့်မယ် ထင်တယ်။
