ယူရို-၂၀၂၀ ပြိုင်ပွဲဝင်မည့် စပိန်အသင်းလူစာရင်းမှ ချန်လှပ်ခံခဲ့ရသည့် ရီးယဲလ်ဝါရင့်နောက်ခံလူ ရာမို့စ်က သူ့ အနေဖြင့် အသင်းအောင်မြင်မှုရရန် အားပေးနေမည်ဟု ဆိုခဲ့သည်။
စပိန်နည်းပြ အင်းနရစ်က ရာမို့စ်သည် ကြံ့ခိုင်မှုမပြည့်ဝသဖြင့် အသင်းတွင် မရွေးချယ်ခြင်းဖြစ်ကြောင်း ရှင်းလင်းခဲ့ပြီး ရာမို့စ်က မိမိအနေဖြင့် နိုင်ငံအတွက် ကစားခွင့်မရသော်လည်း အားပေးနေမည်ဟု ဆိုခဲ့ခြင်းဖြစ်သည်။
”အသင်းဖော်တွေအားလုံး ကံကောင်းပြီး ယူရိုပြိုင်ပွဲမှာ အကောင်းဆုံးလုပ်နိုင်ဖို့ ဆုတောင်းပါတယ်။ ကျွန်တော်ဟာ ပရိသတ်အဖြစ် အိမ်ကနေ စပိန်အသင်းကို အားပေးနေမှာပါ”ဟု ရာမို့စ်က သူ၏ Twitter တွင် ရေးသားခဲ့သည်။
