၂၀၁၉ သြဂုတ်လတွင် ကစားသမားဘဝမှအနားယူခဲ့သည့် စပိန်လက်ရွေးစင်တိုက်စစ်မှူးဟောင်း တောရက်စ်က သူ့အနေဖြင့် ဘောလုံးပြန်ကစားမည်ဟု သူ၏ Instagram တွင် ရေးသားခဲ့သည်။
ကစားသမားဘဝကို အက်သလက်တီကို၊ လီဗာပူးလ်၊ ချယ်လ်ဆီး၊ အေစီမီလန်နှင့် ဆဂန်တိုဆူအသင်းများတွင် ဖြတ်သန်းခဲ့သူ တောရက်စ်က ”ဘဝမှာ ကျွန်တော်နားလည်တဲ့ တစ်ခုတည်းသောနည်းလမ်းက (ဘောလုံး)ကစားခြင်းပါပဲ။ ဒါကြောင့် ဘောလုံးပြန်ကစားဖို့ ကျွန်တော် ဆုံးဖြတ်လိုက်ပါပြီ။ ဘယ်အသင်းမှာ ကစားမယ်ဆိုတာကို သောကြာနေ့မှာ ကြေညာသွားမှာပါ” ဟု သူ၏ Instagram တွင် ရေးသားခဲ့ခြင်းဖြစ်သည်။
တောရက်စ်သည် အသက်(၃၇)နှစ်ရှိပြီဖြစ်ပြီး အာရှတွင်သာ ကစားဖြစ်ဖွယ်ရှိကြောင်း ထင်ကြေးပေးမှုများလည်း ထွက်ပေါ်နေသည်။
