ဝုလ်ဗ် – ဘရိုက်တန် (တနင်္ဂနွေညနေ ၅း၃၀ နာရီ)
ဝုလ်ဗ်နဲ့ ဘရိုက်တန်က နှစ်သင်းစလုံး အမှတ်သိပ်မလိုတော့တဲ့အနေအထားဖြစ် ပြီး ဂုဏ်သိက္ခာအတွက်ပဲ ကစားရမှာဖြစ်တယ်။ ဘရိုက်တန်က နိုင်ပွဲတွေဝေးနေရာက နောက်ဆုံးကစားခဲ့တဲ့ပွဲမှာတော့ ခြေစွမ်းပြနေတဲ့ လိဒ်စ်ကို အနိုင်ယူခဲ့တယ်။ လူအင်အား အရ ဝုလ်ဗ်က ပိုသာပြီး ပိုကောင်းတဲ့အသင်းဖြစ်ပေမယ့် ခြေသိပ်မကွာပါဘူး။ ဘရိုက်တန် ရဲ့ခံစစ်ကလည်း ပုံစံကောင်းပြနေလို့ သရေကျသွားနိုင်တယ်။
အက်စတွန်ဗီလာ – မန်ယူ (တနင်္ဂနွေည ရး၃၅ နာရီ)
မန်ယူက ပြီးခဲ့တဲ့ပွဲမှာ Anti-Glazer Protests ကြောင့် လီဗာပူးလ်နဲ့ပွဲကို မကစားခဲ့ရဘူး။ မန်ယူအနေနဲ့ အမှတ်ပေးချန် ပီယံအိပ်မက်ကို မက်နိုင်သလောက် မက်ခွင့်ရှိနေသေးပေမဲ့ ဖြစ်နိုင်ဖို့ အရမ်းနည်းသွားပါပြီ။ ဒါပေမဲ့ ဘယ်လိုပဲဖြစ်ဖြစ် နိုင် ပွဲတွေ ယူထားဖို့တော့လိုတယ်။ မန်ယူကို ဒီပွဲမှာလည်း တိုက်စစ်အသားပေးပုံစံမျိုးနဲ့ မြင်ရမှာဖြစ်ပြီး အက်စတွန်ဗီလာကို အနိုင်ရ ဖို့ အားထည့်ကစားတာကိုလည်း မြင်ရလိမ့်မယ်။ မာစီယဲလ်က ဆက်လွဲနေဦးမှာဖြစ်ပြီး တိုက်စစ်ကို ကာဗာနီက ဦးဆောင်ကစား လိမ့်မယ်လို့ ယူဆရတယ်။ အက်စတွန်ဗီလာကတော့ ဒီရာသီမှာ မျှော်လင့်ချက် သိပ်မရှိတော့ပေမဲ့ အသင်းနည်းပြ ဒင်းစမစ် က အမှတ်ပေးဇယား ထိပ်ဆုံး (၁၀)သင်းထဲဝင်အောင် ကြိုးစားသွားမယ်လို့ ဆိုထားတယ်။ အမှတ်လိုနေတဲ့ အဲဗာတန်အသင်းနဲ့ ပွဲမှာလည်း နိုင်ပွဲရဖို့အတွက် အသည်းအသန်ကစားခဲ့တာကို တွေ့ရတယ်။ မန်ယူဆီကလည်း အမှတ်ခွဲယူဖို့ ကြိုးစားဦးမှာပဲ။ ဒါပေမဲ့ မန်ယူပဲ နိုင်ပွဲယူသွားဖို့များပါတယ်။
ဝက်စ်ဟမ်း – အဲဗာတန် (တနင်္ဂနွေည ၁ဝးဝ၀ နာရီ)
ဝက်စ်ဟမ်းအတွက် ချန်ပီယံလိဂ်ဝင်ခွင့်တိုက်ပွဲ၊ အဲဗာတန်အတွက် ယူရိုပါလိဂ်ဝင် ခွင့်တိုက်ပွဲ၊ နှစ်ခုစလုံးက ပြင်းထန်နေပြီး အသေအကြေကစားရမယ့် ပွဲဖြစ်တယ်။ သရေ ရလဒ်က နှစ်သင်းစလုံးအတွက် ရလဒ်ကောင်းမဟုတ်တာလည်း သေချာတယ်။ လက်ရှိ ခြေစွမ်းအရရော၊ ရလဒ်ပိုင်းအရပါ အရမ်းမကွာဘူး။ ဝက်စ်ဟမ်းက အိမ်ကွင်းအားသာ ချက်ရှိတယ်။ အဲဗာတန်က တိုက်စစ်အားနည်းနေတယ်။ ဝက်စ်ဟမ်းကိုကြိုက်တယ်။
အာဆင်နယ် – ဝက်စ်ဘရွန်း (တနင်္လာနံနက် ဝဝး၃၀ နာရီ)
ဝက်စ်ဘရွန်းက သချင်္ာနည်းအရ မျှော်လင့်ချက် ရှိနေသေးပေမဲ့ ဆေးမမီလောက် တော့ဘူး။ ရာသီလက်ကျန်ပွဲစဉ်တွေက အရမ်းကျပ်ပြီး အာဆင်နယ်ပြီးရင်၊ လီဗာပူးလ်၊ ဝက်စ်ဟမ်းတို့လို ချန်ပီယံလိဂ်ဝင်ခွင့်အတွက် ရုန်းကန်နေတဲ့အသင်းတွေနဲ့ ဆက်ကစား ရမှာ ဖြစ်တယ်။ အာဆင်နယ်ကတော့ ဒီရာသီမှာ အခြားမျှော်လင့်ချက်တွေထက် အပေါ်ကို ရောက်နိုင်သလောက်ရောက်အောင် ကစားမှာဖြစ်ပြီး နို်င်ပွဲယူနိုင်ပါလိမ့်မယ်။
