ပရီးမီးယားလိဂ်ပြိုင်ပွဲ၏ ၂၀၂၁-၂၂ ရာသီအတွက် ပွဲစဉ်ဇယားကို ဇွန်လ (၁၆)ရက်နေ့တွင် ထုတ်ပြန်သွားမည်ဖြစ်ကြောင်း သိရသည်။
အဆိုပါ ၂၀၂၁-၂၂ ရာသီကို သြဂုတ်(၁၄)တွင် စတင်ပြီး ၂၀၂၂ ခုနှစ်၊ မေ(၂၂)တွင် အဆုံးသတ်မည်ဖြစ်သည်။
ထို့ကြောင့် ယူရို-၂၀၂၀ ပြိုင်ပွဲအပြီး တစ်လဝန်းကျင်အကြာတွင် ပရီးမီးယားလိဂ်ရာသီသစ် ပြန်လည်စတင်မည်ဖြစ်သည်။
၂၀၂၁-၂၂ ရာသီ ပရီးမီးယားလိဂ်ပြိုင်ပွဲတွင် မန်စီးတီးအသင်းက လက်ရှိချန်ပီယံအဖြစ် ယှဉ်ပြိုင်ရမည်ဖြစ်ပြီး နောဝစ်ချ်၊ ဝက်ဖို့ဒ်နှင့် ဘရန့်ဖိုဒ်တို့ တန်းတက်ယှဉ်ပြိုင်ခွင့် ရရှိထားသည်။
ရာသီသစ် ပရီးမီးယားလိဂ်ပြိုင်ပွဲတွင် ပရိသတ်များ ကွင်းအတွင်း ဝင်ရောက်ကြည့်ရှုခွင့် ရရှိမည်ဖြစ်သော်လည်း ကွင်းလုံးပြည့် ကြည့်ရှုခွင့်ပြု၊ မပြုကိုမူ အတည်ပြုခြင်းမရှိသေးကြောင်း သိရသည်။
